श्रीगुरुवर्य श्रीमोहननाथ महाराजांचे सुपुत्र.

वयाच्या सातव्या वर्षी व्रतबंध संस्कार झाल्यावर अल्पकालावधीतच १० जून २००१ साली वेद पाठशाळेत प्रवेश घेऊन श्रीसंत ज्ञानेश्वर वेदविद्या प्रतिष्ठान, संभाजीनगर (औरंगाबाद) येथे शुक्ल यजुर्वेद संहिता पूर्ण करून महर्षि सांदिपनी राष्ट्रीय वेद विद्यालय, उजैन येथून वेदविभूषण पदवी प्राप्त. वैदिक शिक्षणानंतर श्रीहरिकीर्तनोत्तेजक सभा, नारद मंदिर, पुणे येथे नारदीय कीर्तन परंपरेचे अध्ययन केले व वै. स्वानंदसुखनिवासी सद्गुरू जोगमहाराज संस्थापित वारकरी शिक्षण संस्था, आळंदी येथे वारकरी संप्रदायाचे, संत वाङमयाचे व कीर्तनोपयोगी संगीताचे अध्ययन पूर्ण करून आज पावेतो महाराष्ट्रासह अनेक राज्यात प्रवचन, कीर्तन व व्याख्यानांच्या माध्यमातून सनातन वैदिक धर्म संस्कृतिचा, वारकरी संप्रदायाचा व नाथपरंपरेचा प्रचार प्रसार करण्याचे व संत विचार जनमानसात रूजविण्याचे त्यांचे कार्य सुरू आहे. वैदिक, वारकरी व नारदीय कीर्तनपरंपरा या क्षेत्रामध्ये युवाकीर्तनकार व इतर अनेक पुरस्कारही त्यांना प्राप्त झाले आहेत.