वाचन हे मनुष्याला बौद्धिकदृष्ट्या खऱ्या अर्थाने जिवंत ठेवते. जो वाचतो तोच वाचतो. मग ते क्षेत्र कोणतेही असो. त्यातही धर्म शास्त्रीय ग्रंथ, संत वाङ्मय हे अनंत काळापासून ते आजपर्यंत मनुष्याला प्रत्येक पथावर व प्रत्येक परिस्थितीत मार्गदर्शन करत आहे. षडदर्शने, ज्योतिष, काव्य, उपनिषदे, स्मृती, यांसह अनेक विषयांचा संग्रह असलेले व चारशे वर्षांहून अधिक पुरातन व हस्त लिखित ग्रंथांपासून ते आजच्या आधुनिक संपादित ग्रंथांचा ठेवा असलेले सुसज्ज ग्रंथालय म्हणजेच संस्थानचे सिध्दांतसार ग्रंथालय होय. या ग्रंथालयामुळे विद्यार्थ्यांना ज्ञानार्जनाचा अधिक लाभ तर होईलच, किंबहुना ग्रंथ वाचनाची व संकलनाची आवडही निर्माण होईल.